Kolumbiyada hərbi təyyarənin qəzaya uğraması nəticəsində ölənlərin sayı 66-ya çatıb

Kolumbiyanın cənubunda Hərbi Hava Qüvvələrinə məxsus "C-130 Hercules" tipli təyyarənin qəzaya uğraması nəticəsində azı 66 hərbi qulluqçu həlak olub.

BAKU.WS xəbər verir ki, məlumatı yerli "El Tiempo" nəşri rəsmi mənbələrə istinadən yayıb.

Bildirilib ki, ölənlər arasında Hərbi Hava Qüvvələrinin 6 əməkdaşı, Milli Ordunun 58 hərbçisi və Milli Polisin 2 üzvü var.

Hazırda meyitlərin kimliyinin müəyyənləşdirilməsi prosesi davam edir. Eyni zamanda, daha 4 hərbçinin itkin düşdüyü qeyd olunur.