İki yaşlı uşaq atasının idarə etdiyi traktorun altında qaldı

Türkiyənin Bursa vilayətinin İnegöl rayonunda 2 yaşlı Batu K. atasının idarə etdiyi traktorun altında qalaraq ağır yaralanıb.

BAKU.WS haber global-a istinadən xəbər verir ki, hadisə axşam saatlarında Kurşunlu kəndində baş verib. Məlumata görə, uşaq evin qarşısından hərəkət edən atasının sürdüyü traktora qəfil yaxınlaşıb. Traktorun ön təkəri onun üzərindən keçib.

Ağır yaralanan uşaq ailəsi tərəfindən İnegöl Dövlət Xəstəxanasına aparılıb, daha sonra vəziyyətinin ağır olması səbəbindən Bursa Yüksək İxtisas Tədris və Tədqiqat Xəstəxanasına göndərilib.

Faktla bağlı araşdırma aparılır.