Dağıstanda daşqınlarda üçü uşaq olmaqla, 6 nəfər ölüb

Dağıstanda güclü yağışların yaratdığı daşqınlar faciə ilə nəticələnib.

BAKU.WS apa-ya istinadən xəbər verir ki, təbii fəlakət nəticəsində üçü azyaşlı olmaqla, ümumilikdə altı nəfər həyatını itirib. Ölənlər arasında 5-17 yaş aralığında uşaqlar, iki qadın və bir yaşlı şəxs var.

Qeyd edilir ki, intensiv yağıntılar Mahaçqala, Kaspiysk və Dərbənd ərazilərində daşqınlara səbəb olub. Nəticədə yaşayış evləri və yollar su altında qalıb.

Hadisə nəticəsində 6 mindən artıq sakinin zərər çəkdiyi bildirilir.