ABŞ-də qızılca epidemiyası 12 əyalətə yayılıb

ABŞ Xəstəliklərin Qarşısını Alma və Nəzarət Mərkəzi (CDC) açıqlamasına görə, ölkədə son həftələrdə artan qızılca epidemiyası Texas və New Mexico ilə yanaşı, digər 10 əyalətdə də müşahidə olunur.

BAKU.WS xəbər verir ki, rəsmi məlumatlara görə, ölkə daxilində ümumi 222 qızılcaya tutulmuş şəxs aşkarlanıb.

Martın 7-si etibarilə Texas-da 198, New Mexico-da isə 10 xəstə qeydə alınıb. Açıqlamada həmçinin bildirilib ki, Texas-da bir uşaq və New Mexico-da bir yetkin qızılca səbəbindən həyatını itirib. Epidemiyanın yayılmasının davam edəcəyi və gələcək günlərdə xəstə sayının arta biləcəyi xəbərdarlığı verilib.

Ölkədə bahar və yaz səyahət mövsümünün yaxınlaşması nəzərə alınaraq, peyvəndlənmə kampaniyalarının və ictimai sağlamlıq tədbirlərinin rolu vurğulanıb. ABŞ Səhiyyə naziri Robert Kennedi kabinet toplantısında bu məsələ ilə bağlı açıqlama verərək, "Bu, hər il baş verən bir vəziyyətdir" demişdi. Lakin, bəzi tənqidçilər, epidemiyanın əhəmiyyətini azaltmağa çalışan bu yanaşmanı "önəmsiz" göstərmək kimi qiymətləndirmişdir.