055 213 76 73
Avropa Parlamentinin avstriyalı deputatı Hannes Hayde Avropa Futbol Assosiasiyaları İttifaqını (UEFA) “DXR” və “LXR”-in suverenliyinin tanınması ilə bağlı yaranmış vəziyyətə görə “Qazprom”la əməkdaşlığı dayandırmağa çağırıb.
BAKU.WS "Oxu.az"a istinadən xəbər verir ki, həmçinin Avropa Parlamentinin deputatları UEFA-dan mayın 28-də Sankt-Peterburqdan keçiriləcək Çempionlar Liqasının finalını təxirə salmağı tələb ediblər.
Xarici KİV-də yayılan məlumatlara görə, idman yayımçıları UEFA-ya çərşənbə günü Çempionlar Liqasının oyunlarının işıqlandırılması zamanı “Qazprom”un reklamlarının göstərilib-göstərilməməsi ilə bağlı narahatlıqlarını bildiriblər.
Hesablamalara görə, hazırda Çempionlar Liqasının sponsoru olan “Qazprom”la müqavilə UEFA-ya mövsümdə ərzində 40 milyon avro gəlir gətirir.