VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

“SpaceX” və “Tesla” şirkətlərinin sahibi İlon Mask Mars planetində muxtar şəhər qurmaqla bağlı niyyətinin ciddiliyini nümayiş etdirmək üçün bütün əmlakını satmağa hazır olduğunu açıqlayıb.

BAKU.WS APA-ya istinadla xəbər verir ki, Mask bunu “Business Insider”ə verdiyi müsahibəsində deyib.

“Şirkətlərin səhmlərini nəzərə almasaq, mənim maliyyə baxımından praktiki olaraq qiymətli heç bir şeyim olmayacaq”, - deyə Mask bildirib.

O, sözün əsl mənasında evsiz qalacağını da qeyd edib. Bildirilir ki, Mask keçən il bir neçə qiymətli daşınmaz əmlakını da satıb.

“Düşünürəm ki, bəşəriyyətin kosmik sivilizasiyaya və planetlərarası bir növə çevrilməsi vacibdir. Və Marsda bir şəhər salmaq üçün çoxlu resurslar lazım olacaq”, - deyə “Business Insider” iş adamından sitat gətirib.

Maskın fikrincə, əmlakını satması onun Marsla bağlı niyyətinin ciddi olduğunun sübutu olacaq. Hələ keçən ilin dekabr ayında o, yaxın altı il ərzində insanın bu planetə göndərilməsini real saydığını qeyd etmişdi.

BAKU.WS