Yaddaş zəifliyindən əziyyət çəkənlərin DİQQƏTİNƏ! Bunları etsəniz...

Alimlər beyin üçün faydalı olan fəaliyyətləri açıqlayıblar.

ABŞ-da yaşı 65-dən yuxarı olan təxminən 2,3 milyon insan demensiyadan əziyyət çəkir. Ancaq bu diaqnoz olmasa belə, beyin funksiyalarının zəifləməsi yaşlandıqca normal hesab edilir. Bunun qarşısını necə almaq və ya ən azından necə yavaşlatmaq olar?

BAKU.WS xarici mediaya istinadən xəbər verir ki, araşdırmalar göstərir ki, siqaretdən imtina və arterial təzyiqə nəzarət etmək beyin funksiyalarının zəifləməsini gecikdirə və ya hətta qarşısını ala bilər.

Synapse Proyekti adlanan bir araşdırmada iştirakçılardan bir qrupuna fərqli sahələrdə yeni fəaliyyətlərlə məşğul olmaq təklif edilib. Digər qrupa isə daha az aktiv öyrənmə tələb edən səyahət və ya kulinariya mövzularına aid tədbirlər, krossvord həlli, musiqi dinləmək və ya film izləmək kimi seçimlər verilib. Hər iki qrup həftədə 15 saat olmaqla 14 həftə birlikdə vaxt keçiriblər.

Daha çətin fəaliyyətlərə cəlb olunan insanların yaddaşı, məlumat emal sürəti və mühakimə qabiliyyəti intellektual baxımdan daha az çətin fəaliyyətlərlə məşğul olanlara nisbətən xeyli inkişaf edib - daha çətin fəaliyyətlərlə məşğul olanlar neyron effektivliyini artırıblar, yəni problemləri həll etmək və ya məlumatı xatırlamaq üçün beyinləri çox gərginlik keçirməyib.

Mütəxəssislər həmçinin müəyyən ediblər ki, iştirakçılar layihələrə nə qədər çox vaxt ayırsalar, beyin qabiliyyətləri bir o qədər inkişaf edib və yaddaşları 14 həftənin sonunda bir o qədər yaxşı olardı. Bunun təkbaşına və ya başqaları ilə birgə fəaliyyiətlə olmayıb.

Əgər Tetris, Rise of Nations kimi çətin oyunlar oynayırsınızsa, bu, idrak qabiliyyətlərinizi yaxşılaşdıra bilər. Hətta Super Mario 64 oyununun hipokampda (yaddaş mərkəzi) beyin həcmini artırdığı göstərilib.

Beyin məşqi üçün oyun seçərkən əsas məqam çətinlik səviyyəsidir. Məsələn, sözləri sevirsinizsə, rəqəmlərə əsaslanan bir oyun sınayın; riyaziyyatı sevirsinizsə, sözlərlə bağlı tapmacalar həll edin. Sizi narahat edən bir tapşırıq seçmək idrak qabiliyyətlərini qorumaq və inkişaf etdirmək üçün ən yaxşı şansı verir. Artıq rahat olduğunu hiss etdikdə, tapşırığı dəyişmək və ya daha çətin etmək vaxtıdır.