Tomat beyin fəaliyyətinə necə təsir edir?

Pomidor pastasının müntəzəm istehlakının beyin fəaliyyəti və yaddaşa müsbət təsir göstərə biləcəyi müəyyənləşdirilib.

BAKU.WS xəbər verir ki, İspaniyanın Barselona Universitetində aparılan araşdırmada 42 orta yaşlı şəxs iştirak edib.

İştirakçılar üç ay ərzində hər gün 35 qram pomidor pastası qəbul ediblər.

Nəticələrdə onların diqqətində artım, assosiativ yaddaşında isə cüzi yaxşılaşma müşahidə olunub.

Tədqiqatçılar bu təsirin pomidorun tərkibindəki güclü antioksidant olan likopenlə əlaqəli ola biləcəyini deyiblər.