Su içirsiniz, amma kökəlirsiniz? Səbəbi hormonlar və başqa amillər ola bilər

Bəzi qidalanma vərdişləri, hormonal dəyişikliklər və ya dərman qəbulu bədəndə maye yığılmasına və çəki artımına səbəb ola bilər.

BAKU.WS ferra.ru-ya istinadən xəbər verir ki, mütəxəssislər aşağıdakı hallara diqqət yetirməyi tövsiyə edir:

• Qidalanma: Duzlu qidaların çoxluğu qarında köpə və maye yığılmasına səbəb olur.

• Hormonal dəyişikliklər: Mensturatsiya öncəsi sindrom (PMS), hamiləlik və menopauza zamanı hormonal fon dəyişir. Bu da orqanizmdə suyun saxlanılmasına və çəkidə artıma gətirib çıxarır.

• Dərmanlar: Aşağıdakı dərmanlar bədəndə maye toplanmasına səbəb ola bilər: AÇF inhibitorları, antipsixotiklər, kalsium kanalı blokerləri, dopamin agonistləri, insulin, nitratlar, steroidlər və qeyri-steroid iltihabəleyhinə preparatlar.

• Xəstəliklər: Qaraciyər sirrozu, ürək və böyrək çatışmazlığı, nefrotik sindrom və hamiləlikdə rast gəlinən preeklampsiya da bədəndə ödem və çəki artımına yol aça bilər.