Şirin qazlı içkilərlə bağlı şok araşdırma - Sən demə ən ölümcül xəstəliyin əsas səbəbkarıdır

Alimlər müəyyən ediblər ki, şəkərlə şirinləşdirilmiş içkilərin qəbulu hər il dünyada 2,2 milyon yeni tip 2 diabet və 1,2 milyon ürək-damar xəstəliyinə səbəb olur.

BAKU.WS xəbər verir ki, araşdırmanın nəticələri "Nature Medicine" jurnalında dərc olunub.

Məlumata görə, inkişaf etməkdə olan və aşağı gəlirli ölkələrin sağlamlıq statistikasının təhlili şəkərli içkilərin istehlakı ilə daha pis sağlamlıq nəticələri arasında həyəcanverici əlaqəni ortaya qoyub.

Qara Afrika ölkələrində vəziyyət xüsusilə ciddidir. Burada şəkərli içkilər yeni diabet hallarının 21%-dən çoxunu təşkil edir. Latın Amerikası və Karib hövzəsində bu rəqəm 24%-ə çatır və bu regionlarda ürək-damar xəstəliklərinə yeni tutulma hallarının 11%-dən çoxu da bu cür içkilərin istehlakı ilə bağlıdır.

"Maye şəkərin" sağlamlığa ən çox mənfi təsiri olan ölkələr arasında Kolumbiya, Meksika və Cənubi Afrika var. Kolumbiyada şəkərli içkilər yeni diabet hallarının 48%-ni, Meksikada isə təxminən üçdə birini təşkil edir. Cənubi Afrikada bu cür içkilər yeni diabet hallarının 27,6%-i və ürək-damar xəstəliklərinin 14,6%-i ilə əlaqələndirilir.

Mütəxəssislər vurğulayırlar ki, qazlı içkilər, şirələr və yüksək şəkərli, qida dəyərindən məhrum olan enerji içkiləri orqanizm tərəfindən tez mənimsənilir. Bu, qanda şəkərin səviyyəsinin kəskin artmasına gətirib çıxarır və müntəzəm istehlak çəki artımına, insulin müqavimətinə və metabolik pozğunluqlara səbəb olur.