Sensasiyalı İDDİA - "Google", "Amazon" və "Facebook" bizi bu yolla DİNLƏYİR

Media holdinqi "Cox Media Group" texnologiya şirkətlərinə ev cihazlarından toplanan səsləri təhlil edən hədəfli reklamlar yaratmaq üçün yeni alət təklif edib.

BAKU.WS xarici mətbuata istinadən xəbər verir ki, bu proqramın mövcudluğu ötən il məlum olub.

Alət "Aktiv Dinləmə" adlanır və "söhbətlərimizi dinləməklə real vaxt niyyət məlumatlarını tutan" ağıllı cihazlardan məlumat qəbul etməklə işləyir.

Bu məlumatı toplamaqla, reklamçılar "bazardakı istehlakçıları hədəf almaq üçün səs məlumatlarını davranış məlumatları ilə birləşdirə" bilərlər.

Süni intellekt istifadəçilərin onlayn davranışları haqqında məlumatların toplanması, "onların söhbətləri və onlayn fəaliyyətləri əsasında məlumat izi" yaratmaq üçün istifadə edilir. Süni intellekt "470-dən çox mənbədən davranış və səs məlumatlarını" toplayır və təhlil edir.

Bu alətlər ABŞ-də reklamçılara təklif olunur, burada əksər ştatlarda şəxsin xəbəri olmadan telefon danışıqlarının qeydə alınmasını qadağan edən qanunlar mövcuddur. Təqdimatda deyilir ki, "Cox" böyük texnoloji platformalarla, o cümlədən "Google", "Amazon" və "Facebook" ilə tərəfdaşdır, lakin bu şirkətlər belə proqramda iştirakını inkar edirlər.

"Google", "Cox"u reklam tərəfdaşları proqramından çıxardığını söyləyib və vurğulayıb ki, "bütün reklamçılar qüvvədə olan qanun və qaydalara, eləcə də "Google Ads" siyasətlərimizə əməl etməlidir. Qanun pozuntuları aşkar etsək, müvafiq tədbirlər görürük".

"Amazon", platformanın "Amazon Ads bu proqramda heç vaxt CMG ilə əməkdaşlıq etmədiyini və bunu etmək planlarının olmadığını" söyləyib.