Qırılan sümüklər üçün yeni ÇARƏ

Mütəxəssislər qırılan sümükləri bərpa edəcək implant hazırlayıblar.

BAKU.WS trt haber-ə istinadən xəbər verir ki, alimlər insan orqanizminin özünü sağaltmaq qabiliyyətindən ilhamlanaraq xəstələrin öz qanından istifadə edərək qırıq sümükləri müalicə edəcək implant hazırlayıblar.

Bu tədqiqat Nottingem Universitetindən olan bir qrup tərəfindən aparılıb və nəticələr qabaqcıl materialşünaslıq sahəsində mühüm addım hesab olunur.

Bu material zədələrdə toxumaları bərpa etmək üçün formalaşan "regenerativ hematoma" (RH) adlanan strukturları dəstəkləyir. Tədqiqatçılar laboratoriyada inkişaf etdirdikləri "peptid amfifillər" adlı zülalları insan qanına əlavə edərək RH-nin daha güclü və təsirli şəkildə meydana gəlməsini təmin ediblər.

Araşdırma qrupunun fikrincə, yeni material qanla asanlıqla birləşə və istənildikdə 3D printerlə istehsal oluna bilər. Araşdırmanın həmmüəllifi Dr. Cosimo Ligorio bu yanaşmanın böyük potensiala malik olduğunu bildirib və deyib:

Komanda bu üsulu siçovullar üzərində sınaqdan keçirib. Tədqiqatçılar siçovulların qanına peptidlər əlavə etməklə güclü RH strukturları yaradıb və bu strukturları heyvanların kəllələrindəki boşluqlara yerləşdiriblər.

Yeni implantdan istifadə edən siçovullarda sümük əmələ gəlmə nisbəti 6 həftə ərzində yüzdə 62-yə çatıb.

Heç müalicə olunmayan siçovullarda bu nisbət cəmi 30 faiz təşkil edib.

Bu yeni müalicə üsulu gələcəkdə sümük sınıqlarının müalicəsində xəstələrin öz qanından istifadə etməklə daha təbii və təsirli bir həll təklif edə bilər.