Pişiyi yeyən qadın 1 il həbs cəzası aldı

ABŞ-nin Ohaio ştatının Kanton şəhərində pişiyə işgəncə edib yeyən qadın məhkəmə qarşısına çıxarılıb.

BAKU.WS New York Post-a istinadən xəbər verir ki, 27 yaşlı Aleksis Ferrell avqust ayında qonşularının gözü qarşısında pişiyin başına basaraq onu öldürüb, daha sonra isə heyvanın ətini yeyib.

Qonşuların polisə məlumat verməsindən sonra saxlanılan Ferrellə ev heyvanlarına qarşı amansız davranış ittihamı irəli sürülüb. Lakin qadın özünü "psixi cəhətdən qeyri-sabit" elan edib.

Dekabrın 2-də məhkəmədə çıxış edən hakim Frank Forçivan qadının hərəkətini "dəhşətli və alçaldıcı" adlandırıb:

"Bu davranış nəinki rayonunuzu və ölkənizi, həm də size - özünüzü biabır edib."

Ferrell bu cinayətinə görə 1 il həbs cəzası alıb. Bu cəza daha əvvəlki iki cinayətinə görə aldığı 18 aylıq həbs müddətinə əlavə olunacaq. Məlumata görə, qadın 2019-cu ildə oğurluq, 2023-cü ildə isə öz uşağını təhlükəli vəziyyətdə qoymaq cinayətlərinə görə məhkum olunmuşdu.