İranın Qərbi Azərbaycan əyalətində yerləşən zavodda güclü partlayış olub

İranın Qərbi Azərbaycan əyalətinin Qoşaçay (Miyandoab) şəhərində poladəritmə zavodunda partlayış baş verib.

BAKU.WS xəbər verir ki, bu barədə "Azad İran" "Telegram" kanalı məlumat yayıb.

Hadisə ilə bağlı, Qoşaçay şəhər Bələdiyyəsinin Yanğınsöndürmə və Təhlükəsizlik Xidmətləri İdarəsinin rəisi Saman Məhəmmədi bildirib ki, zavodda sobanın partlaması nəticəsində bir nəfər ağır yaralanıb və xəstəxanaya aparılıb.

Hazırda partlayışın səbəbləri araşdırılır.