Bu tərəvəz böyrəklər üçün çox faydalıdır

Sarımsaq tərkibindəki allisin maddəsinə görə böyrək sağlamlığı üçün faydalı qidalardan biri hesab olunur.

BAKU.WS xarici mətbuata istinadən xəbər verir ki, mütəxəssislərin sözlərinə görə, sarımsaq əzildikdə yaranan allisin antioksidant və iltihabəleyhinə xüsusiyyətlərə malikdir. Bu maddə orqanizmdə iltihab və oksidləşdirici stressin azalmasına kömək edə bilər.

Allisinin damarların genişlənməsinə və arterial təzyiqin aşağı düşməsinə də müsbət təsir göstərə biləcəyi bildirilir. Yüksək təzyiq isə böyrəklərin zədələnməsində əsas risk amillərindən biridir.

Bununla yanaşı, mütəxəssislər sarımsağın dərman olmadığını vurğulayır və onu həkim tərəfindən təyin olunan müalicəni əvəz edən vasitə kimi qiymətləndirməməyi tövsiyə edirlər. Sarımsağın sağlam və balanslı qidalanmanın bir hissəsi kimi qəbul edilməsi nəzərdə tutulur.