Bu qida və fiziki aktivlik sağlamlığı yaxşılaşdırır, xəstəlik riskini azalda bilər

Son elmi araşdırmalar bir sıra gündəlik vərdişlərin insan sağlamlığına təsirini yenidən gündəmə gətirib.

Tədqiqatlara əsasən, balanslı qidalanma xəstəxanaya müraciət sayını azalda və səhiyyə xərclərini aşağı sala bilər. ABŞ-da aparılan proqram çərçivəsində aztəminatlı şəxslərə sağlam qida çatdırılması nəticəsində hospitalizasiyaların 30%-ə qədər azaldığı qeydə alınıb.

Digər araşdırmalar yoqurt və probiotiklərin mədə-bağırsaq sisteminə müsbət təsir göstərə biləcəyini göstərir. Alimlərin fikrincə, bu məhsullar iltihabi prosesləri azaldaraq qida borusu xəstəlikləri və bəzi hallarda xərçəng riskinin aşağı düşməsinə kömək edə bilər.

Tibbi tədqiqatlarda həmçinin akupunkturun insultdan sonra hərəkət funksiyalarının bərpasını sürətləndirə biləcəyi qeyd olunur. Kiçik miqyaslı araşdırmalar sinir əlaqələrinin bərpasında müsbət nəticələr göstərib.

Psixoloji sahədə aparılan araşdırmalar isə gec yatmağın deyil, sosial təcridin "bayquş tipli" insanlarda narahatlıq və stressi artırdığını ortaya qoyub.

İdmanla bağlı nəticələrə görə, həftədə 90–120 dəqiqə güc məşqləri (məsələn, squat və digər güc hərəkətləri) erkən ölüm riskini azalda bilər. Mütəxəssislər bu miqdarın ürək-damar və nevroloji xəstəliklər riskinə də müsbət təsir etdiyini bildirirlər.

Alimlər qeyd edirlər ki, sağlam həyat tərzi – düzgün qidalanma, fiziki aktivlik və sosial balans – ümumi ölüm riskinin azaldılmasında mühüm rol oynayır.