Alimlər orqanların çatlamadan dondurulması üçün yeni üsul hazırlayıb

Texas A&M Universitetinin alimləri kriyoprezervasiya zamanı orqanların çatlamasının qarşısını alan yeni dondurma texnikası üzərində mühüm nailiyyət əldə ediblər.

BAKU.WS xəbər verir ki, araşdırmada vitrifikasiya adlı xüsusi məhlulun tərkibi dəyişdirilərək orqanların dondurulma prosesinə daha davamlı olması təmin edilib.

Tədqiqatçılar məhlulun "şüşə keçid temperaturunu" artırmaqla çatlama riskinin xeyli azaldığını bildiriblər. Bu metod gələcəkdə orqanların uzun müddət saxlanılmasına və transplantasiyada istifadəsinə böyük imkan yarada bilər.

Mütəxəssislər nəticələrin digər bioloji materialların qorunması, vaksinlərin saxlanması və qida israfının azaldılması kimi sahələr üçün də faydalı ola biləcəyini deyirlər. Alimlər bu yanaşmanın kriyoprezervasiya elminə yeni mərhələ açdığını vurğulayıblar.

Araşdırma "Scientific Reports" jurnalında dərc olunub.