Adobe şirkətinin proqramlarını işlədənlərə ŞAD XƏBƏR!

Amerikanın Adobe şirkəti Photoshop və Premiere proqramlarının yenilənmiş versiyalarını Elements brendi altında təqdim edib. Adobe Photoshop və Premiere-ə süni intellekt tətbiq olunacaq.

BAKU.WS "Kommersant"a istinadən xəbər verir ki, onlar süni intellektə əsaslanan bir sıra təkmilləşdirmələr əldə ediblər.

Photoshop və Premiere Elements müvafiq olaraq şəkil və videonun redaktəsi üçün nəzərdə tutulub. Photoshop-da fotoşəkilləri redaktə etməyə imkan verən süni intellekt xüsusiyyətləri əlavə edilib: rəng sxemini dəyişdirmək, çoxsaylı təsvirləri birləşdirmək, sahənin bulanıqlığını azaltmaq və arzuolunmaz obyektləri silmək.

Adobe Premiere isə sadələşdirilmiş qrafikə, audio və video trekləri qruplaşdırmaq imkanına malik olacaq. Proqramın funksiyaları üçün yeni sürətli giriş menyusu əlavə edilib. İstifadəçilər yeni media brauzeri sayəsində başlıqlarda fərdi mətn üslublarını tətbiq edə, videoları birdən çox yerə ixrac edə, faylları rahat şəkildə idxal edə bilərlər.