055 213 76 73
Xüsusi karantin rejiminin gücləndirilməsi işləri çərçivəsində metro stansiyaların fəaliyyətinin məhdudlaşdırılması ilə əlaqədar Bakı Nəqliyyat Agentliyi tərəfindən 5 əlavə xüsusi ekspres marşrut xətti təşkil edilir.
Bakı Nəqliyyat Agentliyindən BAKU.WS-ə verilən məlumata görə, məqsəd ilk növbədə həyat fəaliyyətinin təmin edilməsi baxımından zəruri hesab olunan sahələrdə (xüsusi xidmət sahələri, ərzaq mağazaları və s.) xüsusi xəstəxana və karantin məntəqələrində çalışan vətəndaşların daşınmasını təmin etməkdir.
Təşkil edilən marşrutlar xəstəxanalar və karantin obyektlərini, eyni zamanda digər zəruri əraziləri əlaqələndirəcək. Marşrutlar üzrə “BakuBus” MMC-nin istismarında olan avtobuslar cəlb ediləcək.
M3, M4, M5, M6 və M7 ekspres xətti üzrə avtobuslar martın 30-dan xidmətə başlayacaq.
Ekspres xətt üzrə avtobuslar müəyyən edilmiş dayanacaqlarda dayanacaq və sərnişin tələbatına uyğun interval ilə xidmət göstərəcək.
Təşkil olunacaq ekspres xətləri:
1. M3 Koroğlu m/st – 28 May m/st.
2. M4 20 Yanvar m/st – S.Vurğun bağı
3. M5 Koroğlu m/st – 20 Yanvar m/st
4. M6 Əhmədli m/st – S.Vurğun bağı
5. M7 İnşaatçılar m/st – N.Nərimanov m/st.
M3, M4, M5, M6 və M7 ekspres xətləri üzrə avtobuslar səhər saat 09:00-dan 17:00-dək fəaliyyət göstərəcək. Daha əvvəl təşkil olunan M1 və M2 ekspres xətlərinin iş qrafiki isə (06:00-22:00) dəyişməz qalır.
Eyni zamanda bildiririk ki, müntəzəm marşrut xətləri üzrə sərnişin avtobuslarının fəaliyyəti də adi rejimdə davam edəcək. Gündəlik xəttə çıxan avtobusların sayı sərnişin axınına uyğun olaraq tənzimlənəcəkdir.
Sərnişinlərə zəruriyyət olmadığı təqdirdə evdən çıxmamaq tövsiyə edilir.