Zelenski İlham Əliyevə başsağlığı verib

Ukrayna prezidenti Volodimr Zelenski Prezident İlham Əliyevlə baş vermiş təyyarə qəzasını müzakirə edib.

BAKU.WS xəbər verir ki, o, bu barədə şəxsi İnstaqram hesabında paylaşım edib.

Zelenski prezident İlham Əliyevlə söhbət zamanı baş vermiş dəhşətli fəlakətlə əlaqədar Azərbaycan xalqına başsağlığı verərək pilotların və təyyarə heyətinin qəhrəmanlığını vurğulayıb.

"İndi əsas prioritet baş verənlərlə bağlı bütün suallara cavab verəcək hərtərəfli araşdırmadır. Rusiya dəqiq izahat verməli və dezinformasiya yaymağı dayandırmalıdır. Foto və videolarda təyyarənin fuzelyajının zədələnməsi, o cümlədən Hava Hücumundan Müdafiə sisteminin raket zərbəsinə çox bənzəyən əziklər aydın şəkildə əks olunub. Biz bu vəziyyətdə Azərbaycanı bütün lazımi vasitələrlə dəstəkləyərək digər ölkələri də yardım göstərməyə çağırırıq. Bundan əlavə, yaxın vaxtlarda ikitərəfli təmasları intensivləşdirmək barədə razılığa gəldik", - deyə Zelenski vurğulayıb.