TDT Baş katibi 31 Dekabr - Həmrəylik Günü münasibətilə Azərbaycana təbrik ünvanlayıb

Türk Dövlətləri Təşkilatının (TDT) Baş katibi Kubanıçbek Ömüralıyev Yeni il münasibətilə türkdilli dövlətləri, o cümlədən Azərbaycanı təbrik edib.

BAKU.WS report-a istinadən xəbər verir ki, təbrik mətni təşkilatın saytında dərc olunub.

Qeyd olunub ki, bu ilin ən mühüm hadisələrindən biri Azərbaycanın işğaldan azad olunmuş Şuşa bölgəsində liderlərin qeyri-rəsmi Zirvə Görüşünün keçirilməsi olub: "Şuşa türk dünyası üçün güc və tranformasiya mərkəzinə çevrilib".

K.Ömüralıyev Yeni il münasibətilə bütün türk dünyasına cansağlığı, rifah və sabitlik arzulayıb: "Yeni il üzv dövlətlərə və müşahidəçilərə sülh, rifah və uğur gətirsin".