Filipp Kirkorov ödəmədiyi cərimələrə görə axtarışa verilib

Rusiyalı müğənni Filipp Kirkorov avtomobilində ödənilməmiş 30-dan çox cəriməyə görə məhkəmə icraçıları tərəfindən axtarışa verilib.

BAKU.WS xəbər verir ki, bu barədə "Shot" teleqramkanalı noyabrın 15-də məlumat yayıb.

Məlumata görə, onun Rolls-Royce avtomobili 2023-cü ilin dekabrından bəri 31 dəfə qayda pozub. Sənətçinin sürət həddini aşması, nişanlanma tələblərini pozması və yanlış yerdə saxlamasına görə cərimələndiyi qeyd olunub.

İndi cərimələrin məbləği 24 min rubl təşkil edir.

Hazırda məhkəmə icraçıları icra prosesi açıb və Kirkorovun avtomobili ilə qeydiyyat hərəkətlərinə qadağa qoyub.