Kazanda 37 mərtəbəli yaşayış kompleksinə PUA hücumunun ANBAAN GÖRÜNTÜLƏRİ

Ukraynaya məxsus pilotsuz təyyarənin Kazandakı Manhetten yaşayış kompleksinə düşdüyü anın görüntüləri ortaya çıxıb.

BAKU.WS xəbər verir ki, bu barədə "Mash" teleqram kanalı məlumat yayıb.

Kadrlarda dronun təqribən evin yuxarı hündürlüyündə uçduğu və daha sonra ona çırpıldığı görünür. Nəticə güclü yanğın baş verir.

Xatırladaq ki, dekabrın 21-də səhər saatlarında, pilotsuz təyyarə Kazanda 37 mərtəbəli "Azure Skies" yaşayış kompleksinə düşüb və yuxarı mərtəbələrdə yanğına səbəb olub.

Yerli Fövqəladə Hallar Nazirliyinin əməkdaşları hadisə yerinə gələrək insanları təxliyə etməyə başladıqdan sonra Ukraynaya məxsus ikinci pilotsuz uçan aparat binaya çırpılıb.

Yeni partlayış 15-ci mərtəbədəki mənzillərə ziyan vurub. Binadakı liftlər bağlı olduğundan insanların binadan pilləkənlərlə çıxarılıb.