Çarəsiz əfqan ac qalmamaq üçün qızını 580 dollara satmaq istəyərkən - VİDEO

"Taliban" qruplaşmasının Əfqanıstanda hakimiyyəti ələ keçirməsindən sonra ölkədə bir çox ailələlər maddi çətinliklə üzləşiblər.

BAKU.WS “New York Post”a istinadən xəbər verir ki, problemdən çıxış yolu axtaran ailə başçılarından biri Mir Nazir qızını satmaq istəyib.

O, bunu 7 nəfərlik ailəsini aclıqdan qurtarmaq, eyni zamanda 4 yaşlı övladına firavan həyat bəxş etmək üçün etdiyini bildirib.

Ata azyaşlı övladını 580 dollara (təxminən 986 AZN) satmağa cəhd edib.

Qeyd edək ki, Mir Nazir “Times of London”a verdiyi müsahibəsi zamanı hakimiyyətin "Taliban" tərəfindən ələ keçirilməsindən sonra ölkə iqtisadiyyatının çökdüyünü və bəzi ailələrin həyatda qalmaq üçün ən kiçik övladlarını onlara girov verdiklərini bildirib.