Xabi Alonso "Çelsi"nin baş məşqçisi ola bilər

İngiltərənin "Çelsi" klubu baş məşqçi postu üçün əsas namizədlərdən biri kimi ispaniyalı mütəxəssis Xabi Alonso ilə maraqlanır.

BAKU.WS xəbər verir ki, bu barədə nüfuzlu "The Athletic" nəşri məlumat yayıb.

Mənbənin yazdığına görə, 44 yaşlı çalışdırıcı da "Çelsi"yə rəhbərlik etmək ehtimalını istisna etmir. Hazırda tərəflər arasında yekun razılıq əldə olunmasa da, danışıqlar prosesinin davam etdiyi bildirilir.

London klubunun nəzərdən keçirdiyi digər namizədlər arasında isə Andoni Iraola da var.

Xatırladaq ki, Xabi Alonso daha əvvəl "Real Madrid" klubunda baş məşqçi kimi çalışsa da, sonradan vəzifəsindən ayrılıb.