Vinisius "Valensiya"nın qapıçısına hücum etdiyi üçün cəzalandırılıb

"Real Madrid"in braziliyalı hücumçusu Vinisius İspaniya çempionatında "Valensiya" ilə oyunda qırmızı vərəqə aldığı üçün 2 oyunluq cəzalanıb.

BAKU.WS xəbər verir ki, bu barədə İspaniya Kral Futbol Federasiyasının mətbuat xidməti məlumat yayıb.

Forvard "Valensiya"nın qapıçısı Stole Dimitrievskinin başını itələdiyinə görə cəzalandırılıb. Beləliklə, Vinisius ölkə çempionatının "Las Palmas" və "Valyadolid"lə qarşıdakı iki oyununu buraxacaq. Cənubi amerikalı diskvalifikasiyadan əlavə 600 min avro cərimə ödəməli olacaq.