UEFA Millətlər Liqası: Azərbaycan yığması Qəbələdə Estoniyanı qəbul edəcək

Bu gün Azərbaycan yığması UEFA Millətlər Liqasının qrup mərhələsində Qəbələdə Estoniyanı qəbul edəcək.

BAKU.WS xəbər verir ki, C Liqasının I qrupunun oyunu saat 18:00-da başlayacaq.

Oyunun baş hakimi Şotlandiyadan olan FIFA referisi Con Bitondur.

Qrupun digər görüşündə Slovakiya İsveçin qonağı olacaq. Görüş Bakı vaxtı ilə saat 23:45-də start götürəcək.

Azərbaycan millisi əvvəlki dörd qarşılaşmada Estoniya (1:3), Slovakiya (0:2, 1:3) və İsveçə (1:3) uduzub.

UEFA Millətlər Liqası

C Liqası, 1-ci qrup

16 noyabr

V tur

18:00. Azərbaycan - Estoniya

Baş hakim: Con Biton (Şotlandiya).

Qəbələ şəhər stadionu.

Qeyd edək ki, I qrupda İsveç və Slovakiyanın 10, Estoniyanın 3 xalı var. Yığmamız isə hələlik xal qazana bilməyib.