UEFA Konfrans Liqası: "Zirə" "Hayduk"la heç-heçəyə razılaşıb

"Zirə" UEFA Konfrans Liqasının II təsnifat mərhələsinin ilk oyununda Xorvatiya təmsilçisi "Hayduk"la heç-heçəyə razılaşıb.

BAKU.WS xəbər verir ki, cari mövsüm avrokuboklarda ilk rəsmi oyununa çıxan Rəşad Sadıqovun baş məşqçisi olduğu kollektiv 8-ci kilometr stadionunda rəqibi ilə 1:1 hesablı heç-heçə edib.

Bakı klubunun heyətində Brahim Konate (31) fərqlənib. Qonaqların heyətində isə Antoni Kalik (68) dəqiq zərbə müəllifi olub.

Qeyd edək ki, komandalar arasında cavab görüşü iyulun 30-da Xorvatiyada keçiriləcək.

***21:02

UEFA Konfrans Liqasının II təsnifat mərhələsinin "Zirə" - "Hayduk" (Xorvatiya) oyununda ikinci qol vurulub.

BAKU.WS xəbər verir ki, 8-ci km stadionunda keçirilən matçda hesab bərabərləşib - 1:1.

Qonaqların heyətində 68-ci dəqiqədə Antoni Kalik fərqlənib.

***20:04

UEFA Konfrans Liqasının II təsnifat mərhələsinin "Zirə" - "Hayduk" (Xorvatiya) oyununda hesab açılıb.

BAKU.WS xəbər verir ki, 8-ci km stadionunda keçirilən matçda ev sahibləri hesabda irəli çıxıb.

"Qartallar"ın heyətində 31-ci dəqiqədə Brahim Konate fərqlənib.

***19:39

UEFA Konfrans Liqasının II təsnifat mərhələsinin "Zirə" - "Hayduk" (Xorvatiya) oyunu start götürüb.

BAKU.WS xəbər verir ki, matç 8-ci km stadionunda keçirilir.

Qarşılaşmanı yunanıstanlı referi Kristos Vergetis idarə edir.