"Sabah" UEFA Çempionlar Liqasında II təsnifat mərhələsinə vəsiqə qazanıb

"Sabah" UEFA Çempionlar Liqasında II təsnifat mərhələsinə vəsiqə qazanıb.

BAKU.WS xəbər verir ki, Valdas Dambrauskasın baş məşqçisi olduğu kollektiv I təsnifat mərhələsinin cavab oyununda Uelsdə TNS komandası ilə üz-üzə gəlib.

Qarşılaşma "bayquşlar"ın qələbəsi ilə yekunlaşıb - 2:1. 28-ci dəqiqədə Coy-Lens Mikels, 42-ci dəqiqədə Rəhman Daşdəmirov fərqlənib. Rəqibin heyətində 89-cu dəqiqədə Coş Lok təsəlli qolunun müəllifi olub.

Beləliklə, Bakıdakı görüşdə rəqibini iki cavabsız qolla üstələyən "Sabah" II təsnifat mərhələsinə vəsiqə qazanıb. Ölkə çempionu bu raundda "Kups"la (Finlandiya) münasibətlərə aydınlıq gətirəcək.

***23:15

UEFA Çempionlar Liqasının 1-ci təsnifat mərhələsində TNS - "Sabah" qarşılaşmasında hesab dəyişib.

BAKU.WS xəbər verir ki, 89-cu dəqiqədə Coşua Lok hesab arasındakı fərqi azaldıb - 1:2.

***22:14

UEFA Çempionlar Liqasının 1-ci təsnifat mərhələsində TNS - "Sabah" qarşılaşmasında hesab dəyişib.

BAKU.WS xəbər verir ki, matçın 42-ci dəqiqəsində Rəhman Daşdəmirov fərqlənərək komandasının üstünlüyünü iki topa çatdırıb - 0:2.

***21:58

UEFA Çempionlar Liqasının 1-ci təsnifat mərhələsində TNS - "Sabah" qarşılaşmasında hesab açılıb.

BAKU.WS xəbər verir ki, 28-ci dəqiqədə Coy Lens Mikels bakılıları önə keçirib.

***21:30

UEFA Çempionlar Liqasının 1-ci təsnifat mərhələsində TNS - "Sabah" qarşılaşması start götürüb.

BAKU.WS xəbər verir ki, qarşılaşma Osvestri şəhərindəki "Park Hall" stadionunda baş tutur.

***21:10

UEFA Çempionlar Liqasının 1-ci təsnifat mərhələsində keçiriləcək TNS - "Sabah" matçının start heyətləri açıqlanıb.

BAKU.WS xəbər verir ki, saat 21:30-da başlayacaq görüşə komandalar aşağıdakı tərkibdə çıxacaqlar:

TNS: 1 Şeppard, 14 Uilyams, 16 Simeu, 6 Bodenhem, 10 Redmond (k), 21 Smit, 4 Korness, 15 Farrell, 8 Brobbel, 17 C. Uilyams, 20 Hyuz.

Ehtiyat oyunçular: 44 Cenkins, 7 Barton, 12 Qodsmark-Ford, 19 Klark, 22 D. Devis, 23 Nolan, 24 Nadin, 26 Fillips, 27 Kanavan, 31 Vullem, 34 Lok, 37 Ceffris.

"Sabah": 92 Stas Pokatilov (k), 27 Timoteuş Puhaç, 5 Rəhman Daşdəmirov, 33 Erivaldo Almeyda, 80 Akim Zedadka, 13 İvan Lepiniça, 7 Umarali Raxmonaliyev, 10 Aleksey İsayev, 19 Aron Maluda, 20 Coy Lens Mikels, 21 Velko Simiç.

Ehtiyat oyunçular: 1 Ramazanov, 94 Mirzəmmədov, 4 Makkarti, 6 Xaibulayev, 11 Parris, 16 Rüstəmli, 17 Mütəllimov, 23 Laçab, 34 Severina, 88 Rodriqo Fernandeş, 89 Muxtarov, 99 Mbina.