Tayson sosial şəbəkədəki abunəliyini 3300 dollara satıb

Boks üzrə keçmiş mütləq dünya çempionu, amerikalı Mayk Tayson pul qarşılığında Instagram-da fanatlarından birinə abunə olub.

BAKU.WS xəbər verir ki, bu barədə Sport24 Goldin şirkətinə istinadən məlumat yayıb.

İdmançı abunəliyini hərracda 3,3 min dollara satıb. Abunəlik üçün pul ödəyən fanat Taysonun abunə olduğu 300-cü şəxs olub.

Bna qədər Tayson tarixdəki ən güclü boksçuların adlarını açıqlamışdı. O, siyahıya Cek Dempsey, Sonni Liston, Məhəmməd Əli və Corc Formanı daxil edib.

Qeyd edək ki, 2024-cü ilin noyabrında Tayson 27 yaşlı bloqer Ceyk Pola hakimlərin yekdil qərarı ilə uduzub. Boks qaydalarına əsasən keçirilən döyüş hərəsi iki dəqiqə olmaqla səkkiz raund davam edib.