"Real Madrid"in sükanı arxasına Xabi Alonso keçdi

Madrid təmsilçisinin baş məşqçi postunda dəyişiklik baş verib.

Klubun rəsmi məlumatına görə, Karlo Ançelottinin yerinə ispan mütəxəssis Xabi Alonso təyin olunub.

Yeni təyinatla bağlı klub Alonso ilə 2028-ci ilin 30 iyun tarixinə qədər etibarlı olan müqavilə imzalayıb. Müqavilənin qüvvəyə minməsi 2025-ci il iyunun 1-nə nəzərdə tutulub.

Xatırladaq ki, Xabi Alonso bir vaxtlar "Real Madrid"in uğurları üçün meydanda da çalışıb. O, 2009–2014-cü illər ərzində "kral klubu"nun heyətində çıxış edib və azarkeşlərin yaddaşında peşəkar oyunu ilə iz qoyub. Bu dəfə isə o, sevimli klubuna kənardan rəhbərlik edəcək.