Rafael Ağayev: "Çalışıram onunla döyüşəndə çox yaxın olmayım" - FOTO

Karate üzrə beşqat dünya çempionumuz Rafael Ağayev rəqibləri haqda danışıb.

BAKU.WS “oxu.az”a istinadən xəbər verir ki, o, ukraynalı karateçi, ikiqat Avropa çempionu Anjelika Terlyuqa ilə canlı “İnstagram” bağlantısında bəzi sirri açıb.

Dünya çempionumuz bildirib ki, İrandan olan, milliyyətcə azərbaycanlı, dördqat dünya və dördqat Asiya çempionu Bəhmən Əsgəri Qönçə onun üçün bir qədər narahat rəqibdir:

“O, çox uzundur. Boyu mənimkindən hündürdür. Ucaboy olduğu üçün qolları da uzundur.

Bu üzdən çalışıram ki, onunla döyüşəndə çox yaxın olmayım.

Çünki əlləri ilə məndən asanlıqla xal ala bilər. Bəhmən mənim üçün uğursuz rəqibdir”.

Rafael Ağayev digər maraqlı məsələlərə də toxunub:

“Facebook”a çox girmirəm. Heç öz şifrəmi bilmirəm. Amma daha çox vaxtımı “İnstagram”da keçirirəm. İngiliscə bilmirəm.

Mənə yazılanları dostuma tərcümə etdirirəm. Amma bəzən ərəbcə yazırlar, başa düşmürəm. Mənə Braziliya, Meksika kimi ölkələrdən yazıb fanatım olduqlarını deyirlər.

Cazz və repə qulaq asmıram. Çünki bu janrı başa düşmürəm. Amma rus, türk, ərəb pop musiqilərinə qulaq asıram”.

Qalereya