"Qarabağ" - "Kopenhagen" oyununun bu biletləri satışa çıxan kimi TÜKƏNDİ

UEFA Çempionlar Liqasının əsas mərhələsinin II turu çərçivəsində keçiriləcək "Qarabağ" - "Kopenhagen" (Danimarka) oyunu üçün bilet satışına böyük maraq müşahidə olunub.

BAKU.WS xəbər verir ki, oyunun biletləri satışa çıxarıldıqdan dərhal sonra 5 və 10 manatlıq kateqoriyalara aid olan biletlər tükənib.

Azarkeşlər əsasən daha əlçatan qiymətə olan biletlərə üstünlük verib. Bunun nəticəsində satış platformasında növbə sayı xeyli artıb və saytda sıxlıq yaranıb. Hazırda 30 və 40 manatlıq biletlər məhdud sayda qalıb. Daha bahalı biletlər isə sayca xeyli çoxdur.

Qeyd edək ki, standart biletlərin qiymətləri 5, 10, 30, 40, 50, 75 manat, VIP sektorlar üçün 150, 200, 250, VVIP sektorlar üçün 500 manatdır.

Qeyd edək ki, "Qarabağ" - "Kopenhagen" oyunu oktyabrın 1-də, saat 20:45-də start götürəcək.