"Qarabağ"ın "Çelsi" ilə oyunu Bakı Olimpiya Stadionunda keçiriləcək? - RƏSMİ

UEFA Çempionlar Liqasının Liqa mərhələsində çıxış edən "Qarabağ" klubunun "Çelsi" ilə qarşılaşmasını Bakı Olimpiya Stadionunda keçirməyi planlaşdırdığı barədə iddialar yayılıb.

BAKU.WS xəbər verir ki, bu barədə məlumat sosial şəbəkələrdə paylaşılıb.

"Qarabağ" klubunun mətbuat katibi Anar Hacıyev saytımıza açıqlamasında bildirib ki, iddialar əsassızdır.

"Oyunlar Tofiq Bəhramov adına Respublika Stadionunda keçiriləcək", - deyə o vurğulayıb.

Qeyd edək ki, daha əvvəl "Qarabağ" Avropa kuboklarında bəzi matçlarını Bakı Olimpiya Stadionunda keçirsə də, hazırda komanda ev oyunlarını ənənəvi olaraq Tofiq Bəhramov adına Respublika Stadionunda oynayır.

Banu Hüseynli