Ötən mövsüm meydançaya girib hakimi döyən sabiq prezident özünə təzə klub alır

Ötən mövsüm meydançaya daxil olaraq baş hakim Halil Umut Meləri yumruqlayan və futboldan ömürlük kənarlaşdırılar "MKE Ankaragücü" klubunun sabiq prezidenti Faruk Koca Xorvatiya Liqasında mübarizə aparan "İstra 1961" komandasını satın alır.

BAKU.WS Türkiyə KİV-ə istinadən xəbər verir ki, artıq Faruk Koca bununla bağlı hərəkətə keçib.

Məlumata görə, Faruk Koca Xorvatiyanın Pula şəhərinə gedib və hazırda daha çox Baskoniya-Alaves qrupuna məxsus olan "İstra 1961" klubu üçün ciddi təklif verib.

"İstra 1961" Xorvatiya Liqasında 10 oyun, 3 qələbə, 3 heç-heçə və 4 məğlubiyyətdən sonra 12 xalla 6-cı yerdədir.