"Omoniya"nın qapıçısı viza ala bilmədiyi üçün Azərbaycana gələ bilməyib

"Omoniya" klubunun nigeriyalı qolkiperi Fransis Uzqoho viza ala bilmədiyi üçün Azərbaycana gələ bilməyib.

BAKU.WS Oxu.Az-a istinadən xəbər verir ki, bunu Kipr təmsilçisi "Omoniya"nın baş məşqçisi Harninq Berq UEFA Konfrans Liqasının III təsnifat mərhələsində "Araz-Naxçıvan"la keçiriləcək matçdan öncə təşkil olunan mətbuat konfransında jurnalistlərin suallarını cavablandırarkən bildirib.

"Futbolçularımızdan Tasos zədəlidir. Fransis Uzqoho viza ala bilməyib. Amma bu gün gecə gəlmə ehtimalı var".

Qeyd edək ki, "Araz-Naxçıvan" - "Omoniya" matçı avqustun 7-də "Dalğa Arena"da, saat 20:00-da start götürəcək. Cavab görüşü bir həftə sonra Nikosiyada təşkil olunacaq.