Olimpiya çempionu Patkeviç "Mirotvorets" bazasına salınıb

Üçqat Olimpiya çempionu, sinxron üzgüçü Aleksandra Patkeviç Ukrayna "Mirotvorets" ("Sülhməramlı") bazasına daxil edilib.

BAKU.WS xəbər verir ki, bu barədə məlumat resursun saytında yerləşdirilib.

Məlumata görə, ona Ukraynanın suverenliyi və ərazi bütövlüyünə qəsd, həmçinin xüsusi hərbi əməliyyata açıq dəstək vermək ittihamları irəli sürülür.

Patkeviç 37 yaşındadır. O, London, Rio-de-Janeyro və Tokio Olimpiya Oyunlarında komanda yarışlarında qızıl medal qazanıb. Üstəlik, onun aktivində 13 dünya çempionluğu və 4 Avropa çempionluğu var. Patkeviç 2021-ci ildə peşəkar idman karyerasını başa vurub.

Hazırda o, Rusiya Tələbə İdman Klubları Assosiasiyasının həmsədri və Tələbə Su İdman Növləri Liqasının sədridir.