Messi futbol tarixində daha bir rekorda imza atıb

Argentina millisinin əfsanəvi hücumçusu Lionel Messi futbol tarixində daha bir uğura imza atıb.

BAKU.WS xəbər verir ki, yaydığı məlumata əsasən, 38 yaşlı ulduz futbolçu Puerto Riko ilə keçirilən yoldaşlıq görüşündə iki məhsuldar ötürmə verərək yeni rekorda sahib çıxıb. Bu nəticə ilə Messinin Argentina millisi ilə etdiyi assistlərin sayı 60-a çatıb.

Beləliklə, o, milli səviyyədə ən çox qol ötürməsi edən oyunçu titulunu ələ keçirib. Əvvəlki liderlər Braziliyadan Neymar və ABŞ-dən Landon Donovan - hərəyə 58 assistlə Messi ilə müqayisədə geridə qalıblar.

Qeyd edək ki, Argentina bu qarşılaşmada Puerto Rikonun qapısından 6 cavabsız top keçirərək qələbə qazanıb.