Mərakeşli müdafiəçi DÇ-də hicabda oynayan ilk futbolçu oldu

Mərakeş millisinin müdafiəçisi Nuhayla Benzina dünya çempionatında oynayan ilk hicablı qadın olub.

BAKU.WS xarici mətbuata istinadən xəbər verir, o, turnirdə debütünü Cənubi Koreya ilə ikinci tur matçında edib.

Mərakeş millisi Avstraliya və Yeni Zelandiyada keçirilən dünya çempionatının qrup mərhələsində Cənubi Koreya yığmasına qalib gəlib (1:0).

Nuhayla 90 dəqiqə oynayıb və matçın sonunda sarı vərəqə alıb.

Xatırladaq ki, Beynəlxalq Futbol Federasiyası (FİFA) 2007-ci ildən tətbiq edilən hicab qadağasını 2014-cü ildə ləğv edib.