Kriştiano Ronaldo: 1 000-ci qolumu vurmaq istəyirəm

Portuqaliyalı futbolçu Kriştiano Ronaldo karyerası ərzində 1 000-cu qolu vurma ehtimalı haqqında danışıb.

BAKU.WS report-a istinadən xəbər verir ki, bu barədə "A Bola" nəşri xəbər yayıb.

"Açıq şəkildə bildirmişəm ki, 1 000-ci qolumu vurmaq istəyirəm. Bunu bacarsam, möhtəşəm olacaq. Amma bacarmasam da, hələ heç kim məndən çox qol vurmayıb", - Ronaldo bildirib.

Qeyd edək ki, hazırda futbolçunun karyerasında 908 qol var.

Ronaldo 2023-cü ilin 2 yanvarında Səudiyyə Ərəbistanının "Al-Nəsr" klubuna keçib, o müqaviləyə əsasən ildə 200 milyon avro maaş alır. Həmçinin, portuqalıyalı futbolçunun və ailəsinin əlavə bonuslar aldığı barədə məlumatlar yayılıb. Ronaldo "Manchester Yunayted" klubu ilə müqaviləsini baş məşqçi Erik ten Haqla gərgin münasibətlər səbəbilə pozmuşdu.

O, Səudiyyə Ərəbistanının cari çempionatında 9 oyun keçirib, 6 qol vurub.