"Krasnodar"da ilk oyununa çıxan Kadiyə ŞOK - VİDEO

Qış transfer pəncərəsində Ağdamın "Qarabağ" futbol klubundan Rusiyanın "Krasnodar" kollektivinə transfer olunan Kadi Borqesin yeni komandasında debütü baş tutub.

BAKU.WS xəbər verir ki, braziliyalı futbolçu Əbu-Dabidə təşkil olunan Rusiya Premyer Liqası Winline Qış Kuboku turnirinin ilk turunda komandasının heyətində "Soçi" komandasına qarşı oyunda meydanda olub.

"Qarabağ"ın sabiq futbolçusu matçda aktivliyi ilə seçilib. 78-ci dəqiqədə Kadiyə qarşı kobud hərəkətə görə, rəqib klubun futbolçusu qırmızı vərəqə alaraq meydandan qovulub.

Kadi Borqes isə zədələnərək meydanı tərk edib. Oyun isə Kadinin yeni klubunun 1:0 hesablı qələbəsi ilə yekunlaşıb.

Qalereya