Kazımcana alışqan atan şəxs məsuliyyətə cəlb olundu

İstanbulda keçirilən "Fənərbağça" – "Qalatasaray" qarşılaşması (1:1) zamanı qonaq komandanın müdafiəçisi Kazımcan Karataşa tribundan alışqan atan azarkeş polis tərəfindən saxlanılıb.

BAKU.WS Türkiyə mediasına istinadən xəbər verir ki, insidentlə bağlı araşdırma aparılıb və qayda pozan şəxsə ciddi sanksiya tətbiq edilib.

Qərara əsasən, həmin azarkeş bir il müddətinə ölkə daxilində heç bir idman tədbirinə buraxılmayacaq.

Hadisə oyun zamanı təhlükəsizlik qaydalarının pozulması və stadion intizamının yenidən gündəmə gəlməsinə səbəb olub.

Qalereya