Karlo Ançelotti "Barselona"nın oyunçusundan danışdı - "O, çox təhlükəlidir"

"Real Madrid"in baş məşqçisi Karlo Ançelotti İspaniya La Liqasının 11-ci turunun "Barselona" ilə vacib oyunu ərəfəsində Lamin Yamalla bağlı sualı cavablandırıb.

BAKU.WS Championat.com-a istinadən xəbər verir ki, Ançelottidən "Real Madrid"in Yamalı dayandırmaq üçün xüsusi planının olub-olmaması soruşulub.

"Karyerasına təsirli başladı. Onun oyununu və davranışını çox bəyənirəm. O, çox təhlükəli oyunçudur, amma diqqətimizi etdiyimiz işə cəmləməliyik. "Barsa"ya böyük hörmətimiz var, onlar çox yaxşı işləyirlər", - deyə Ançelotti cavab verib.

Xatırladaq ki, El Klassiko sabah Madriddəki Santiago Bernabeu stadionunda keçiriləcək. Matçın baş hakiminin start fiti Bakı vaxtı ilə saat 23:00-da səslənəcək.