İspaniya klubunun futbolçusu karyerasını Argentinada davam etdirəcək

İspaniyanın "Atletik" (Bilbao) klubunun yarımmüdafiəçisi Ander Herrera karyerasını Argentinada davam etdirəcək.

"Report" xəbər verir ki, "Boka Xuniors" 35 yaşlı ispaniyalı futbolçunu azad agent kimi heyətinə qatıb.

O, 2026-cı ilin sonuna qədər "Boka Xuniors"un şərəfini qoruyacaq.

Qeyd edək ki, A.Herrera cari mövsüm bütün turnirlərdə 14 matçda iştirak edib. O, daha əvvəl PSJ (Fransa), "Mançester Yunayted" (İngiltərə) və "Saraqosa" (İspaniya) kimi klublarda çıxış edib.