Tayson Fyuri ilə Aleksandr Usikin döyüşünün vaxtı dəqiqləşdi

Tayson Fyuri ilə Aleksandr Usik ağır çəkidə mütləq çempion adı uğrunda döyüşü fevral ayında keçirəcək.

BAKU.WS ESPN-ə istinadən xəbər verir ki, böyük döyüş Səudiyyə Ərəbistanının paytaxtı Ər-Riyad şəhərində baş tutacaq. İlkin olaraq döyüşün 23 dekabrda keçiriləcəyi planlaşdırılsa da Tayson Fyurinin 28 oktyabrda Frensis Nqannuya qarşı döyüşün tarixinin dəyişməsinə səbəb olub. Həmin döyüşdə Tayson Fyurinin qaşı partlamış və nokdauna düşmüşdü. 35 yaşlı Fyuri UFC-nin sabiq çempionu Frensis Nqannu üzırində çətinliklə qələbə qazanmışdı.

36 yaşlı Usik WBA, IBF və WBO çempionluq kəmərlərinə sahibdir. O, karyerası ərzində 21 döyüşdə 21 qələbə qazanmışdı. Aleksandr bu döyüşlərin 14-nü nokautla başa vurub.

Fyuri isə WBC titulunun sahibidir. O, karyerası ərzində keçirdiyi 35 döyüşün 34-də qələbə qazanaraq bir döyüşünü heç-heçə ilə başa vurub.