Futbol meydançasında görünməmiş hadisə (VİDEO)

 

Futbol meydançalarında görməyə öyrəşmədiyimiz qəribə hadisə baş verib.

BAKU.WS-in məlumatına görə, "Əl-Hilal Club" ilə "Moqhreb Tetouan" klubları arasında baş tutan matçda gözlənilməz vəziyyət yaranıb. Belə ki, oyun zamanı zədələnən futbolçunu xərəklə meydançadan kənara çıxarmaq lazım gəlib.

Hakimin təkidi ilə stüartlar meydançaya daxil olaraq futbolçuya ilkin müdaxilə ediblər. Bunun uzun vaxt çəkəcəyini görən hakim isə futbolçunun xərəkdə oyunu tərk etməsini istəyib.

Hakimin stüartları tələsdirməsi və diqqətsizlik sonda futbolçunun xərəkdən düşməsi ilə nəticələnib. Yerdə acı içində qıvrılan futbolçunu sonda futbolçuların köməyi ilə meydançadan kənara çıxarmaq mümkün olub. Bu görüntülər qısa bir zamanda minlərlə insanın marağına səbəb olub və görüntülər sosial şəbəkələrdə böyük bir sürətlə yayılmağa başlayıb.

BAKU.WS