"Fənərbağça" "Lion"la heç-heçə etdi: İsmayıl Kartala tənqidlər artdı

UEFA Çempionlar Liqasının pley-off mərhələsinin ilk oyununda Türkiyənin "Fənərbağça" klubu evdə Fransanın "Lion" komandası ilə 1:1 hesablı heç-heçə edib.

BAKU.WS xəbər verir ki, İstanbulda keçirilən qarşılaşmada qalib müəyyənləşməyib. Bununla da Çempionlar Liqasının əsas mərhələsinə vəsiqənin taleyi Fransada keçiriləcək cavab oyununa qalıb.

Matçdan sonra "Fənərbağça"nın baş məşqçisi İsmail Kartalın qərarları müzakirə mövzusuna çevrilib. Xüsusilə oyun ərzində etdiyi əvəzetmələr və Marko Asensionu ehtiyatda saxlaması azarkeşlərin narazılığına səbəb olub.

"Fənərbağça" tərəfdarları belə vacib qarşılaşmada Asensionun start heyətində meydana çıxmalı olduğunu bildiriblər.

İsmail Kartalın cavab matçında hansı heyətlə və taktika ilə meydana çıxacağı maraqla gözlənilir.