DÇ-2026: Komandaların qol sevincində səsləndirdiyi MAHNILAR AÇIQLANDI

2026-cı il futbol üzrə dünya çempionatında ilk dəfə olaraq milli komandalara vurduqları qolları hansı musiqi ilə qeyd edəcəklərini özlərinin seçməsinə icazə verilib.

BAKU.WS xəbər verir ki, pley-off mərhələsinə yüksələn komandaların musiqi seçimləri açıqlanıb.

Almaniya Peter Şillinqin "Major Tom", Paraqvay Rolando Çaparroyun "Albirockja", Fransa Daft Punkun "One More Time" və Blur qrupunun "Song 2", İsveç "När vi gräver guld i USA", Cənubi Afrika "This Is Bafana", Kanada isə LISA, Anitta və Rema-nın "Goals" mahnısını seçib.

Niderland "Wij houden van oranje", Mərakeş "Dima Maghrib", Portuqaliya "A Minha Casinha", Xorvatiya "Srce vatreno", İspaniya "La Graciosa", Avstriya "Maria (I Like It Loud)" mahnıları ilə qollarını qeyd edir.

ABŞ "The Show Goes On", "Win" və "Free Bird", Bosniya və Herseqovina "Take Me To America", Braziliya "O Brasil escolheu" və "Samba de Janeiro", Yaponiya "Syouri-No Emi-Wo Kimi-To", Kot-d'İvuar "Coup du marteau", Norveç "Vi er Norge", Meksika "La Negra", Ekvador "Ecuador, Si Se Puede" mahnılarını seçib.

İngiltərə "Chase the Sun", "Wonderwall", "Sweet Caroline" və "Hey Jude", Konqo Demokratik Respublikası "Congo Elonga", Argentina "Luz Delito" və "La Cumbia De Los Trapos", Kabo-Verde "Nos Ora Dja Txiga", Avstraliya "Thunderstruck", Misir isə dövlət himnini səsləndirir.

Bundan başqa, İsveçrə "Freed from Desire", Əlcəzair "One, Two, Three, Viva l"Algérie!", Kolumbiya "El Ritmo Que Nos Une", Qana "We Shall Score", Belçika isə "Kiss The Grass (Allez Allez)" mahnısı ilə qol sevincini qeyd edir.

Qeyd edək ki, Seneqal millisinin qol sevinci zamanı səsləndiriləcək rəsmi mahnı hələ açıqlanmayıb.