"Botafoqo" Pedro Bikalyo üçün yenidən rəsmi təklif göndərdi

Braziliyanın "Botafoqo" klubu "Qarabağ"ın yarımmüdafiəçisi Pedro Bikalyonun transferi üçün ikinci dəfə rəsmi müraciət edib.

BAKU.WS xəbər verir ki, "Globo"nun məlumatına görə, klub bu dəfə də futbolçunu satınalma hüququ ilə icarəyə götürmək istəyir, lakin əvvəlki təkliflə müqayisədə ödəniş məbləğini artırıb.

Rio-de-Janeyro təmsilçisinin əsas hədəflərindən biri Bikalyonu heyətinə qatmaqdır və transfer pəncərəsində oyunçu klubun prioritetləri sırasında yer alır. Bundan əlavə, "Botafoqo"nun "Ferentsvaroş"un futbolçusu və "Qarabağ"ın sabiq üzvü Xulio Romaonu da transfer etmək istiqamətində danışıqları davam etdirdiyi bildirilir.