"Beşiktaş"ın əfsanəsi Tayfur Havutçu reanimasiyaya yerləşdirilib

"Beşiktaş"ın və türk futbolunun əfsanələrindən sayılan Tayfur Havutçu xərçəng müalicəsi səbəbilə reanimasiyaya yerləşdirilib.

BAKU.WS Türkiyə mətbuatına istinadən xəbər verir ki, "SV Darmstadt 98", "Fənərbağça", "Kocaelispor" və "Beşiktaş"da çıxış edən Havutçunun səhhətinin ağırlaşdığı bildirilib.

Azarkeşlər və futbolsevərlər sosial şəbəkədə mesajlar paylaşaraq məşhur futbolçuya dəstək olublar.

Məlumata görə, Havutçu xərçəng xəstəliyindən müalicə alır və səhhəti ağırlaşıb.

Məşqçinin həyat yoldaşı Neslihan Havutçu sosial şəbəkədə əri ilə bağlı yayılan xəbərlərə görə açıqlama verib.

O, həyat yoldaşının təxminən bir həftə əvvəl infeksiya səbəbiylə xəstəxanaya yerləşdirildiyini söyləyib.

"Həyat yoldaşım müayinə məqsədilə xəstəxanaya getdi və bəzi dəyərlərinin aşağı olduğu aşkar edildi. Ehtiyat tədbiri olaraq reanimasiyaya yerləşdirildi. Son prosedurlar zamanı vəziyyət gündən-günə düzəlir və tezliklə Allahın izni ilə normala dönəcək".